पुटिन र पाकिस्तानी प्रधानमन्त्री खानबीच टेलिफोन संवाद
फरकधार / ३० भदौ, २०७८

रुसी राष्ट्रपति भ्लादिमिर पुटिन र पाकिस्तानी प्रधानमन्त्री इमरान खानबीच टेलिफोन कुराकानी भएको छ । पाकिस्तानी प्रधानमन्त्री कार्यालयले पुटिन र खानबीचको टेलिफोन कुराकानीमा अफगानिस्तानको अवस्थाबारे छलफल भएको जानकारी दिएको छ । 



पाकिस्तानी प्रधानमन्त्री खानले क्षेत्रीय सुरक्षा र समृद्धि तथा अफगानिस्तानमा शान्ति र स्थिरता महत्वपूर्ण रहेको भन्दै तत्काल मानवीय सहायता उपलब्ध गराउन जरुरी रहेको बताए । 

उनले अफगानिस्तानमा आर्थिक संकट अन्त्यका लागि तत्काल आवश्यक कदम चाल्नुपर्नेमा समेत उनले जोड दिएका छन् ।

अफगानिस्तानलाई नजिकैबाट नियालिरहेका अन्तर्राष्ट्रिय संस्थाहरुले समेत त्यहाँको अर्थतन्त्रबारे गम्भीर चासो व्यक्त गर्दै आएका छन् ।



पाकिस्तानी प्रधानमन्त्री कार्यालयले जारी गरेको वक्तव्यमा अन्तर्राष्ट्रिय समुदायलाई अफगानिस्तानबाट मुख अन्यत्र नमोड्न आग्रह गरिएको छ । यो महत्वपूर्ण समयमा अफगानी जनतालाई एक्लै छाड्न नहुनेमा खानको जोड  थियो ।  
 

  • प्रकाशित मिति : भदौ ३०, २०७८ बुधबार ७:३१:३९,   अन्तिम अपडेट : भदौ ३०, २०७८ बुधबार ७:४७:४५

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया