युवा संघका केन्द्रीय सदस्य कटुवाल ठगीको आरोपमा पक्राउ
फरकधार / ३० भदौ, २०७८

एमालेको भ्रातृसंगठन युवा संघका केन्द्रीय सदस्य रुसिल कटुवाल ठगी गरेको आरोपमा पक्राउ परेका छन् । महानगरीय अपराध महाशाखाले कटुवाललाई काठमाडौंको कोटेश्वरबाट पक्राउ गरेको जनाएको छ । 



कटुवालले नुवाकोटका उद्धवप्रसाद अधिकारीसँग ६८ लाख ९० हजार रुपैयाँ   जग्गाको बैना लिएका थिए । उनले सो जग्गा फरक व्यक्तिलाई पास गरेर बैना रकम फिर्ता गरेका थिएनन् । पीडित अधिकारीले प्रहरीमा उजुरी गरेका थिए ।

कटुवाल केही समय अदालतबाट ‘पक्राउ नगर्नू’ भन्ने अन्तरिम आदेश लिएर बसेका थिए । उच्च अदालत पाटनले सो आदेश खारेज गरेपछि महाशाखाबाट खटिएको टोलीले मंगलबार उनलाई पक्राउ गरेको हो । 



ठगीमा संलग्न भनिएका मोरङ केराबारी घर भएका धीरजकुमार दाहाल भने फरार  छन् । 



  • प्रकाशित मिति : भदौ ३०, २०७८ बुधबार १७:३८:४९,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया