भारतीय कलाकार सोनु सुदलाई अब समस्या पर्न सक्ने अनुमान हुन थालेको छ । उनको घर र अन्य सम्पत्तिहरुमा आज मात्र आयकर विभागले छापा मारेको भारतीय समाचार एजेन्सी पिटिआइले बताएको छ ।

मुम्बईमा मात्र नभएर सोनु सुदको सम्पत्ति भएको लखनउमा समेत आयकर विभागले छापा मारेको छ ।

तर, अहिलेसम्म उनलाई कारवाही गरिएको छ वा जरिवाना लगाइएको छ कि छैन भन्नेबारे कसैले पनि केही भनेको छैन ।

गत वर्ष कोरोना महामारी फैलिएपछि सोनु सुद निकै चर्चामा आएका थिए । उनले हजारौँलाई सहयोग गरेका थिए । दिल्लीका मुख्यमन्त्री अरविन्द केजरीवालले अब सत्यको जित हुने र सोनुसँग हजारौँ मानिसको आर्शिवाद भएको बताएका छन् ।