नेपाली कांग्रेसका वरिष्ठ नेता रामचन्द्र पौडेलले आफूनिकट नेताहरुसँग छलफल गर्ने भएका छन् । वरिष्ठ नेता पौडेलले आज दिउँसो आफूनिकट नेताहरुसँग छलफल गर्न लागेका हुन् ।
छलफलमा आगामी १४औं महाधिवेशनमा साझा उम्मेदवार तय गर्ने, डडेल्धुरामा एकलौटी रुपमा भएको वडा अधिवेशन लगायतका विषयमा हुने बताइएको छ ।
डडेल्धुरामा संस्थापन पक्षले एकलौटी रुपमा महाधिवेशन गरेको भन्दै पौडेल पक्ष असन्तुष्ट छ । यस्तै आगामी महाधिवेशनमा पौडेल पक्षले साझा उम्मेदवार उठाउने बताएपनि आकांक्षीहरु धेरै भएकाले व्यवस्थापनमा समस्या भइरहेको छ ।
पौडेल पक्षबाट उनीसहित महामन्त्री शशांक कोइराला, शेखर कोइराला, पूर्वमहामन्त्री प्रकाशमान सिंहसहितका नेताहरुले सभापतिमा दाबी गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
