बर्दियाको ठाकुरबाबा नगरपालिका-३ गोदाना गाउँमा जंगली बँदेललाई धपाउन थापेको विद्युतीय पासोमा परी एकै घरका तीनजनाको मृत्यु भएको छ ।

शुक्रबार राति विद्युतीय पासोमा ३२ वर्षीय बालकृष्ण थारु, उनकी श्रीमती २९ वर्षीया सुनिता र बालकृष्णकी भाउजु ४३ वर्षीया बेलमतीको मृत्यु भएको हो ।

खेतमा पानी हेर्न गएका बेला छिमेकीले बँदेल धपाउन धान खेतमा लगाएको विद्युतीय पासोबाट करेन्ट लाग्दा उनीहरूको मृत्यु भएको इलाका प्रहरी कार्यालय भुरिगाउँका प्रहरी निरीक्षक कविराज राेकायले जानकारी दिए ।

धानखेतमा करेन्ट प्रवाह गरेको आरोपमा मृतक परिवारका छिमेकी ८२ वर्षीय राजबहादुर शाही (क)लाई प्रहरीले नियन्त्रणमा लिएको छ । घटनाबारे थप अनुसन्धान भइरहेको इलाका प्रहरी कार्यालयले जनाएकाे छ ।