नयाँ पत्रिका दैनिकका प्रधान सम्पादक कृष्णज्वाला देवकोटाले सरकारले दिएको पदक अस्वीकार गरेका छन् । उनले आज सरकारले संविधान दिवसको अवसरमा घोषणा गरेको ‘सुप्रवल जनसेवाश्री पदक अस्वीकार गरेका हुन् ।  

‘ढिलो उठ्ने मान्छे, ढिलै थाहा पाएँ । नेपाल सरकारले मलाई सुप्रवल जनसेवाश्री पदक प्रदान गर्ने निर्णय गरेकोमा सरकारलाई धन्यवाद । तर, पदकहरूको वितरण विवेकपूर्ण र पारदर्शी नभएको भन्दै निरन्तर प्रश्न उठाइरहेको सञ्चारकर्मीका नाताले आफैँ पदक स्वीकार गर्नु नैतिक हुने देखिनँ । नेपाली पत्रकारितामा थोरै पनि हस्तक्षेप गर्न सकेको भए मलाई सामाजिक प्रेरणा नै पर्याप्त छ’, देवकोटाले फेसबुकमा लेखेका छन् । 

त्यस्तै,इकागज डटकमका प्रधान सम्पादक हरिबहादुर थापा, नागरिक दैनिकका कार्टुनिस्ट रविन सायमी, नेपाल समयमा प्रधान सम्पादक नारायण अमृतले पनि सरकारले दिने पदक स्वीकार गरेका छन् । 

सरकारले मानपदवी, अलङ्कार र पदकको घोषणा गर्दा पारदर्शिता नआउँदा, राम्राभन्दा ‘हाम्रा’ भन्नेहरूलाई बढी समेट्दा पछिल्ला वर्षहरूमा विभूषण अस्वीकार गर्ने क्रम बढेको छ ।