नेकपा एकीकृत समाजवादीले पार्टीका पदाधिकारीहरूको टुंगो लगाएको छ । आज बस्ने केन्द्रीय कमिटी बैठकमा प्रस्ताव लानेगरी पदाधिकारीहरूको टुंगो लगाइएको पार्टीका प्रस्तावित उपाध्यक्ष राजेन्द्र पाण्डेले फरकधारलाई जानकारी दिए ।
माधवकुमार नेपाल अध्यक्ष रहेको नेकपा एकीकृत समाजवादीमा वरिष्ठ नेता झलनाथ खनाल हुने भएका छन् । त्यस्तै, उपाध्यक्षहरूमा राजेन्द्र पाण्डे, धर्मनाथ साह, जयन्ती राई र प्रमेश हमाल चयन भएका छन् ।
महासचिवमा डा. बेदुराम भुसाललाई चयन गर्ने गरी प्रस्ताव लगिएको पाण्डेले बताए । त्यस्तै उपमहासचिवमा डा. विजय पौडेल, डा. गंगालाल तुलाधर र प्रकाश ज्वाला चयन भएका छन् ।
यसैगरी सचिवमा रामकुमारी झाँक्री, जगन्नाथ खतिवडा, नागेन्द्र चौधरी र केशवलाल श्रेष्ठ रहेका छन् ।
मंगलबारदेखि जारी सो पार्टीको केन्द्रीय कमिटी बैठक अहिले पनि जारी छ । आजको बैठकले पदाधिकारीको टुंगो लगाउने तथा अध्यक्ष नेपालले प्रस्तुत गरेको राजनीतिक प्रतिवेदनको बारेमा चर्चा हुनेछ ।
राजनीतिक प्रतिवेदन प्रस्तुत भएपछि विभिन्न ५ समूहमा समूहगत छलफल चलाइएको थियो ।
नेकपा एकीकृत समाजवादीका पदाधिकारी (सूची)
अध्यक्ष : माधवकुमार नेपाल
वरिष्ठ नेता : झलनाथ खनाल
उपाध्यक्ष : राजेन्द्र पाण्डे, धर्मनाथ साह, जयन्ती राई र प्रमेश हमाल
महासचिव : डा. बेदुराम भुसाल
उपमहासचिव : डा. विजय पौडेल, डा.गंगालाल तुलाधर र प्रकाश ज्वाला
सचिव : रामकुमारी झाँक्री, जगन्नाथ खतिवडा, नागेन्द्र चौधरी, केशवलाल श्रेष्ठ
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
