दिल्लीको रोहिणी अदालतमा गोली चल्यो, तीन जना मारिए
फरकधार / ८ असोज, २०७८

भारतको नयाँदिल्लीस्थित रोहिणी अदालत परिसरमा गोलीबारी भएको छ । घटनामा तीन जना मारिएको प्रहरीले जनाएको छ । 

मारिनेमा एकजना ग्याङ्स्टार र दुई जना अपराधी रहेका छन् । मारिने ग्याङ्स्टारको नाम जितेन्द्र मान रहेको प्रहरीले बताएको छ । 

आक्रमणकारीहरु वकिलको पोशाक लगाएर अदालत परिसर भित्र प्रवेश गरेका थिए । घटनामा एक जना महिला वकिलसहित तीन जना व्यक्ति घाइते भएका छन् । 



‘जब उसलाई अदालतमा सुनुवाइको लाई लगिँदै थियो । अपराधीहरुले ग्याङ्स्टार (जितेन्द्र मान) माथि गोली चलाए । प्रहरीको जवाफी कारवाहीमा दुवै जना आक्रमणकारी मारिए । मारिने दुईजना अपराधीमध्ये एकको टाउकोको मूल्य ५० हजार रुपैयाँ तोकिएको थियो,’ दिल्ली प्रहरी कमिश्नर राकेश अस्थानाले बताए । 



  • प्रकाशित मिति : असोज ८, २०७८ शुक्रबार १५:५६:१७,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया