इंग्लिस प्रिमियर लिगअन्तर्गत म्यानचेस्टर युनाईटेडविरुद्ध एस्टन भिल्ला १-० गोलले विजयी भएको छ । म्यानचेस्टरलाई उसकै घरेलु मैदानमा हराउन एस्टनका लागि कोर्टने हायुजले एक गोल गरे । 

उनले निर्धारित समयको खेल सकिन दुई मिनेट बाँकी रहँदा गोल गर्न सफल भए । इन्ज्युरी समयमा म्यानचेस्टर युनाइटेडले पेनाल्टी पाएको थियो । तर, उसले त्यसको सदुपयोग गर्न सकेन । ब्रुनो फर्नान्डेसले पेनाल्टीमा गोल गर्न सकेनन् । 

नयाँ सिजनको प्रिमियर लिगमा युनाइटेडको यो पहिलो हार हो । युनाइटेड तालिकाको चौथो स्थानमा छ । एस्टन भिल्ला १० अंक जोडेर सातौँ स्थानमा उक्लिन सफल भएको छ ।