एभरेस्ट प्रिमियर लिग (इपिएल)टि-२० क्रिकेट प्रतियोगिताको चौंथो संस्करण आज दुई खेल हुँदैछन् ।
त्रिवि क्रिकेट मैदानमा हुने पहिलाे खेलमा विराटनगर वारियर्स र चितवन टाइगर्स भिड्ने छन् । खेल बिहान साढे ९ बजे सुरु हुनेछ ।
करण केसीको कप्तानीमा मैदान उत्रने विराटनगर सुखद सुरुवातको योजनामा हुनेछ। सोमपाल कामीको कप्तानीमा रहेको चितवन पनि पहिलाे खेलमा विजय हासिल गर्ने लक्ष्यमा हुनेछ ।
दोस्रो खेल भैरहवा ग्लाडियटर्स र पोखरा राइनोजबीच प्रतिस्पर्धा हुनेछ । खेल दिउँसो साढे एक बजे सुरु हुनेछ । भैरहवा शरद भेषवाकरको कप्तानीमा मैदान उत्रने छ। चितवनको कप्तानी विनोद भण्डारीले गर्नेछन् । दुवै टिम जित हासिल गर्ने लक्ष्यका साथ मैदानमा उत्रिनेछन् ।
हिजो भएको उद्घाटन खेलमा काठमाडौं किङ्स-११ ले साविक विजेता ललितपुर प्याट्रियट्सलाई ७ विकेटले पराजित गरी विजयी सुरुवात गरेकाे छ ।
असाेज २३ सम्म चल्ने प्रतियोगितामा ६ फ्रेन्चाइज टोलीले सहभागिता जनाएका छन् । प्रतियोगिताको विजेताले ५० लाख तथा उपविजेताले १५ लाख पाउने छन् ।
हिमालय टेलिभिजनले प्रतियोगिताको प्रत्यक्ष प्रशारण गर्ने छ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।