एभरेस्ट प्रिमियर लिग (इपिएल)टि-२० क्रिकेट प्रतियोगिताको चौंथो संस्करण आज(साेमबार) दुई खेल हुँदैछन् ।
त्रिवि क्रिकेट मैदानमा हुने पहिलाे खेलमा काठमाडौं किंग्स-११ र विराटनगर वारियर्स भिड्नेछन् । खेल बिहान ९:३० बजे सुरु हुनेछ ।
सन्दीप लामिछानेको कप्तानीमा मैदान उत्रने काठमाडाैं दाेस्राे खेलमा पनि जित निकाल्न चाहन्छ । काठमाडाैंले पहिलाे खेलमा साविक विजेता ललितपुर प्याट्रियट्सलाई हराएको थियो ।
करण केसीको कप्तानीमा मैदान उत्रने विराटनगर भने पहिलो जित निकाल्न चाहन्छ । पहिलो खेलमा विराटनगर चितवन टाइगर्ससँग पराजित भएको थियो ।
दोस्रो खेलमा भैरहवा ग्लाडियटर्स र चितवन टाइगर्स भिड्नेछन् । खेल दिउँसो १:३० बजे सुरु हुनेछ ।
शरद भेषवाकरको कप्तानीमा मैदान उत्रने भैरहवा पहिलो जित निकाल्न चाहन्छ । वर्षाले गर्दा पहिलो खेलमा भैरहवाले पोखरा राइनोजसँग अंक बाँड्न बाध्य भएकाे थियाे ।
चितवन भने लगातार दोस्रो जित निकाल्न चाहन्छ । चितवनले पहिलो खेलमा विराटनगरलाई हराएको थियो ।
असाेज २३ सम्म चल्ने प्रतियोगितामा ६ फ्रेन्चाइज टोलीले सहभागिता जनाएका छन् । प्रतियोगिताको विजेताले ५० लाख तथा उपविजेताले १५ लाख पाउने छन् ।
हिमालय टेलिभिजनले प्रतियोगिताको प्रत्यक्ष प्रशारण गर्ने छ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
