युइएफए च्याम्पियन्स लिग अन्तर्गत मंगलबार राति भएको खेलमा लिभरपुलले एफसी पोर्टोमाथि ५–१ को फराकिलो जित दर्ता गरेको हो ।
पोर्टोको घरेलु मैदानमा लिभरपुललाई जित दिलाउन मोहमद सलाह र रोबर्टो फिर्मिनोले २/२ गोल गर्दा सादियो मानेको नाममा एक गोल रह्यो । पोर्टोका मेहदी तारेमीले एक गोल फर्काए ।
सलाहले खेलको १८औं मिनेटमा गोल गर्दै लिभरपुललाई अग्रता दिलाएका थिए । ४५औं मिनेटमा मानेले टोलीको अग्रता दोब्बर बनाए ।
६०औं मिनेटमा सलाहले व्यक्तिगत दोस्रो तथा टोलीका लिग तेस्रो गोल गरे । ७४औं मिनेटमा तारेमीले गोल गर्दै पोर्टोलाई ३–१ को स्थितिमा ल्याए ।
७७ औं मिनेटमा फिर्मिनोले गोल गर्दा लिभरपुल ४–१ ले अघि बढ्यो । ८१ औं मिनेटमा फिर्मिनोले नै व्यक्तिगत दोस्रो गोल गर्दै टोलीलाई सहज जित दिलाए ।
यो जितसँगै समूह ‘बी’ को लिभरपुल २ खेलमा ६ अंक जोड्दै शीर्ष स्थानमा स्थानमा रहँदा पोर्टो १ अंकका साथ तेस्रो स्थानमा छ ।
लिग अन्तर्गत मंगलबार नै भएका अन्य खेलमा आयाक्सले बेसिक्टासलाई २–० तथा एट्लेटिको मड्रिडले एसी मिलानलाई २–१ ले पराजित गरे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।