च्याम्पियन्स लिग अन्तर्गत मंगलबारराति भएको खेलमा रियल मड्रिड घरेलु मैदानमै एफसी सेरिफसँग २–१ गोलले पराजित भएको छ ।
पहिलोपटक च्याम्पियन्स लिग खेलिरहेको सेरिफलाई जित दिलाउन जासुरबेक याख्सिबोभ र सेवास्टियन थिलले १÷१ गोल गर्दा घरेलु टोलीका लागि करिम बेन्जिमाले १ गोल फर्काए ।
सान्टियागो बेर्नबाउमा भएको खेलको २५औं मिनेटमा याख्सिबोभले गोल गर्दै सेरिफलाई सुरुवाती अग्रता दिलाएका थिए ।
६५औं मिनेटमा बेन्जिमाले पेनाल्टीमा गोल गर्दै रियललाई १–१ गोलको बराबरीमा ल्याए । ८९औं मिनेटमा थिलले गोल गर्दै सेरिफको जित पक्का गरे ।
यो जितसँगै समूह ‘डी’ को सेरिफ २ खेमा ६ अंक जोड्दै शीर्ष स्थानमा रहँदा रियल ३ अंकका साथ दोस्रो स्थानमा छ ।
यही समूहको अर्को खेलमा इन्टर मिलानले शाख्तर डोनेक्ससँग गोलरहित बराबरी खेलेको छ ।
लिग अन्तर्गत मंगलबार नै भएको अर्को खेलमा बेरुसिया डर्टमन्डले स्पोर्टिङ सिपीमाथि १–० को कठिन जित हात पारेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
