नेपाल कम्युनिस्ट पार्टी (एकीकृत समाजवादी)का अध्यक्ष तथा पूर्वप्रधानमन्त्री माधवकुमार नेपाल अस्पताल भर्ना भएका छन् ।
ज्वरो र खोकीको समस्याका कारण बुधबार उनी त्रिवि शिक्षण अस्पताल महाराजगन्जमा भर्ना भएको नेपालको निजी सचिवालयले जानकारी दिएको छ ।
नेपालको को स्वास्थ्य अवस्था सामान्य रहेको र केही दिन आरामसहित उपचार गर्नुपर्ने चिकित्सकहरूको सल्लाह रहेको नेपालको निजी सचिवालयको भनाइ छ ।
नेता नेपालको उपचारमा त्रिवि शिक्षण अस्पतालका वरिष्ठ छातीरोग विशेषज्ञ डा. सन्तकुमार दाससहितको टोली संलग्न रहेको छ ।
अस्पतालमा भेटघाट बन्द गरिएको जानकारी दिँदै उनको सचिवालयले सबै शुभचिन्तकप्रति आभार प्रकट गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
