आइपिएल : बैग्लोरको सहज जित, राजस्थान ७ विकेटले पराजित
फरकधार / १४ असोज, २०७८

इन्डियन प्रिमियर लिग (आइपिएल)अन्तर्गत बुधबार भएको खेलमा रोयल च्यालेन्जर्स बैंग्लोरले राजस्थान रोयल्समाथि ७ विकेटको सहज जित हात पारेको छ ।



राजस्थानले दिएको १५० रनको लक्ष्य बैंगलोरले १७.१ आभेरमा ३ विकेट गुमाएर पूरा गर्‍याे ।

बैंग्लोरका लागि ग्लेन म्याक्सवेलले ३० बलको सामना गर्दै ६ चौका र १ छक्काको मद्दतमा अविजित ५० रनको अर्धशतकीय पारी खेले । श्रीकर भरतले ४४ र कप्तान विराट कोहलीले २५ रन बनाए । 

राजस्थानका मुस्ताफिजुर रहमानले २ विकेट लिँदा १ विकेट रन आउटका रूपमा प्राप्त भयो । 



यस अघि दुबई अन्तर्राष्ट्रिय क्रिकेट मैदानमा टस हारेर ब्याटिङको निम्तो पाएको राजस्थानले २० ओभरमा ९ विकेट गुमाएर १४९ रन बनाएको थियो ।

राजस्थानका लागि इभिन लुइसले ३७ बलको सामना गर्दै चौका र ३ छक्काको मद्दतले ५८ रनको अर्धशतकीय पारी खेले । यशस्भी जैसवालले ३१ र कप्तान सन्जु सामसनले १९ रन बनाए ।

बैंग्लोरका हर्सल पटेलले ३, युजभेन्द्र चाहल र शाहबाज अहमेदले २/२ विकेट हात पार्दा जर्ज ग्रेटन र डानियल क्रिस्टिनसनको नाममा १/१ विकेट रह्यो । 

यो जितसँगै बैंग्लोरले ११ खेलमा १४ अंक जोड्दै तेस्रो स्थानमा रहँदा राजस्थान समान खेलबाट ८ अंकका साथ सातौं स्थानमा छ । 

  • प्रकाशित मिति : असोज १४, २०७८ बिहीबार ७:४९:५३,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया