भारतमा पछिल्लो २४ घन्टामा थप २६ हजार ७२७ जनामा कोरोना संक्रमण पुष्टि भएको छ । यससँगै भारतमा कोरोना संक्रमित हुनेको संख्या ३ करोड ३७ लाख ६६ हजार ७०७ पुगेकाे केन्द्रीय स्वास्थ्य मन्त्रालयले जनाएकाे छ ।

यसै गरी पछिल्लो २४ घन्टामा थप २७७ संक्रमितले ज्यान गुमाएका छन् । यससँगै भारतमा कोरोनाबाट मृत्यु हुनेको संख्या ४ लाख ४८ हजार ३३९ पुगेकाे छ ।

यही अवधिमा २८ हजार २४६ जना संक्रमणमुक्त भएका छन् । हालसम्म भारतमा तीन करोड ३० लाख ४३ हजार १४४ जना संक्रमणमुक्त भइसकेका छन् ।

भारत संक्रमितका हिसाबले विश्वको दोस्रो र मृत्युका हिसाबले तेस्रो स्थानमा रहेको छ । 

भारतमा हालसम्म ८९ कराेड २ लाख ८ हजार ७ डाेज भ्याक्सिन लगाइसकिएकाे छ ।