नेकपा एमालेले यसअघि गर्ने आफ्ना कार्यक्रमहरुमा मुख्य मन्चमा नै शीर्ष नेताहरु पुष्पलाल श्रेष्ठ, मदन भण्डारी र मनमोहन अधिकारीको तस्वीर राख्ने गरेको थियो । 

तर, आजबाट गोदावरीमा सुरु भएको एमाले विधान महाधिवेशनमा यो स्वरुप फेरिएको छ । 

यसपटक मुख्य मन्चमा एमालेले यी तीन नेताको तस्वीर राखेको छैन । बरु त्यहाँ एमालेको चुनाव चिन्ह सूर्यलाई प्राथमिकताका साथ राखिएको छ । 

चुनाव चिन्हको छेउछाउमा चाहिँ नेपालको झण्डा राखिएको छ ।

आजबाट सुरु भएको विधान महाधिवेशनमा विशेष देखिने गरि एउटा मात्र नारा लेखिएको छ— जनताको बहुदलीय जनवाद । अनि त्यसको छेउमा मात्र यी तीन नेताको तस्वीर राखिएको छ । 

एमालेको पहिलो विधान महाधिवेशनमा देशभरबाट ६ हजारभन्दा धेरै प्रतिनिधि सहभागी छन् । 

एमालेले पार्टी महाधिवेशन चाहिँ आगामि मंसिरमा गर्दै छ ।