काठमाडौंको बल्खुमा मिनी ट्रकले मोटरसाइकललाई ठक्कर दिँदा मोटरसाइकल यात्रीको मृत्यु भएको छ ।
शनिबार काठमाडौं महानगरपालिका–१४ बल्खुमा बा३ ख ९३६९ नम्बरको मिनीट्रकले बा८८प २२१ नम्बरको मोटरसाइकललाई ठक्कर दिँदा कैलाली गोदावरी नगरपालिका–१२ का चेतराज जोशीको मृत्यु भएको प्रहरीले जनाएको छ ।
दुर्घटनामा परेर गम्भीर घाइते भएका जोशीको उपचारका क्रममा बल्खुस्थित बयोधा अस्पतालमा मृत्यु भएको हो ।
दुर्घटनामा परी घाइते भएका मोटरसाइकल चालक काठमाडौं सितापाइलाका २२ वर्षीय ईश्वर भण्डारीको सोही अस्पतालमा उपचार भइरहेको छ ।
प्रहरीले मिनीट्रक चालकलाई नियन्त्रणमा लिई कारबाही थालेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
