माल्दिभ्समा जारी साफ च्याम्पियनसिपअन्तर्गत श्रीलंकाविरुद्ध पनि भारतले गोलरहित बराबरी सकिएको छ ।

आज भएको खेलमा दुवै टोलीले एक गोल पनि गर्न सकेनन् । श्रीलंकाविरुद्ध गोल गर्ने मौका पाए पनि सदुपयोग गर्न सकेन । पहिलो खेलमा बंगलादेशविरुद्ध भारतले १–१ को बराबरी खेलेको थियो । 

भारतले अब आफ्नो तेस्रो खेलमा १० अक्टोबरमा नेपालसँग खेल्नेछ । श्रीलंकाले भने यसअघि खेलेका दुई म्याचमा लगातार हारको सामना गरेको थियो । भारतविरुद्ध भने उसले गोलरहित बराबरी खेल्न सफल भयो ।

नेपाल ६ अंकका साथ तालिकाको शीर्ष स्थानमा कायमै छ ।