बेलायतले नेपाललाई आगामी सोमबारबाट लागू हुने गरी रेड लिस्ट (रातो सूची) बाट हटाएको छ ।
कोरोना संक्रमणको जोखिमलाई ध्यानमा राख्दै बेलायतले नेपालसहित ५४ देशलाई रातो सूचीमा राखेको थियो । बिहीबार बेलायत सरकारले ४७ देशलाई रातो सूचीबाट हटाएको हो । त्यसमा नेपाल पनि रहेको छ । रातो सूचीबाट हटेकोमा नेपालले खुसी व्यक्त गरेको छ ।
नेपालका लागि बेलायती राजदूत निकोला पोलिटले ट्विटरमार्फत नेपाल सोमबारबाट रातो सूचीबाट हट्ने जानकारी दिएकी हुन् । बेलायतले अझै पनि पानामा, कोलम्बिया, भेनेजुएला, पेरु, इक्वेडर, हाइटी र डोमिनिक रिपब्लिकलाई भने रातो सूचीमा नै राखेको छ ।
नेपाललाई रातो सूचीबाट हटाएपछि बेलायत जाने नेपाली विद्यार्थी तथा यात्रुलाई सहज हुनेछ ।
Pleased that Nepal will be removed from the UK’s red list on Monday. For more information on travel to the UK read below 👇 @MofaNepal @NepalEmbassyUK https://t.co/vWmfMqvw6N
— NicolaPollitt (@NicolaPollittUK) October 7, 2021
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
