चौथो संस्करणको एभरेस्ट प्रिमियर लिग (इपिएल)को फाइनल आज (शनिबार) हुँदैछ ।
कीर्तिपुरस्थित त्रिवि क्रिकेट मैदानमा हुने फाइनलमा चितवन टाइगर्स र पोखरा राइनोजले प्रतिस्पर्धा गर्दैछन् । खेल सवा १२ बजे सुरु हुनेछ ।
पहिलोपटक इपिएलको फाइनल प्रवेश गरेका दुवै टोली उपाधि लक्ष्यसहित मैदान उत्रिनेछन् ।
सोमपाल कामी कप्तान रहेको चितवनले पहिलो क्वालिफायरमा पोखरालाई नै पराजित गर्दै फाइनलमा स्थान पक्का गरेको हो ।
चितवनले समूह चरणमा पनि पोखरालाई पराजित गरेको थियो । आज पनि उ यही लयलाई कायम राख्ने सोचमा हुनेछ ।
विनोद भण्डारीको कप्तानीमा रहेको पोखरा दोस्रो क्वालिफायरमा भैरहवा ग्लाडियटर्सको चुनौतिलाई पार लगाउँदै फाइनल पुगेको हो ।
पोखरा पनि चितवनविरुद्ध हारको श्रृंखला अन्त्य गर्दै उपाधि उचाल्ने दाउमा हुनेछ ।
लिग विजेताले ५० लाख र उपविजेताले १५ लाख पाउने छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।