विश्वकप छनोट अन्तर्गत शनिबारराति भएको खेलमा इङ्ग्ल्यान्डले घरेलु टोली एन्डोरामाथि ५–० को फराकिलो जित हात पारेको छ ।
इंग्ल्यान्डको जितमा बेन चिलवेल, बुकायो साका, ट्यामी अब्राहम, जेम्स वार्ड प्राउज र ज्याक ग्रेलिसले १–१ गोल गरे ।
खेलको १७औं मिनेटमा चिलवेलको गोलबाट इंग्ल्यान्डले खेलमा अग्रता लिएको थियो । उनले जाडोन सान्चोको पासमा गोल गरेका थिए ।
४०औं मिनेटमा फिल फोडेनको पासमा साकाले गोल गर्दै इंग्ल्यान्डको अग्रता दोब्बर बनाए ।
५९औं मिनेटमा सान्चोको पासमा अब्राहमले गोल गरेपछि इंग्ल्यान्डले खेलमा ३–० को अग्रता लिन सफल भयो ।
७९औं मिनेटमा प्राउजले पेनाल्टी चुकाएपनि रिवाउन्डमा गोल गर्दै इंग्ल्यान्डलाई ४–० ले अघि बढाए ।
८६औं मिनेटमा ग्रेलिसले गोल गर्दै इंग्ल्यान्डलाई फराकिलो जित दिलाए । उनले साम जोनस्टोनको पासमा गोल गरेका थिए ।
यो जितपछि समूह ‘आई’ मा अपराजित रहेको इंग्ल्यान्ड ७ खेलबाट १९ अंक जोडेर शीर्षस्थानमा यथावत रहँदा पराजित एन्डोरा ३ अंकका साथ पाँचौ स्थानमा छ ।
छनोट अन्तर्गत शनिबारराति नै भएका अन्य खेलमा अस्ट्रियाले फारोइ आइसल्यान्डमाथि २–०, सर्बियाले लग्जेमबर्गमाथि १–० को जित हात पारे।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।