रूपन्देहीमा प्रहरीले सुकुम्बासीमाथि गोली चलाएको छ । गोली लागेर पाँच जना घाइते भएका छन् । बुटवल उपमहानगर​पालिका – १४ को मोतीपुर औधोगिक क्षेत्रमा प्रहरीले गोली प्रहार गर्दा ५ जना घाइते भएका हुन् । घाइतेहरूको पहिचान खुलिसकेको छैन । 

प्रमुख जिल्ला अधिकारी ऋषिराम तिवारीले घाइतेहरूको बुटवलस्थित विभिन्न अस्पतालमा उपचार भइरहेको फरकधारलाई जानकारी दिए । 

मोतीपुर औधोगिक क्षेत्र अहिले तनावग्रस्त छ । जुन ठाउँमा सुकुम्बासी वस्ती छ । सरकारी जग्गा अतिक्रमण गरेर घर टहरा जस्ता संरचना बनाएको भन्दै प्रहरीले हटाउन खोज्दा झडप भएको प्रहरी उपरीक्षक मनोज केसीले बताए ।