चितवन र नवलपुर जोड्ने नारायणी पुलबाट हाम फालेर एकजना बेपत्ता भएका छन् ।
नवलपुरको गैंडाकोटबाट पुलतिर आएका अन्दाजी ५५ वर्षका पुरुषले पुलको बीचबाट नदीमा हाम्फालेका थिए । प्रहरीका अनुसार उनको खोजी सुरु भएको छ ।
तर, अहिलेसम्म उनी फेला परेका छैनन् ।
उनी नदीमा हाम्फाल्नुको कारण पनि अझै खुलेको छैन ।
नारायणी नदीको बहाव हिजोबाट झन् बढेकाले उनलाई खोजी कार्य भए पनि सफलता पाउन नसकिएको प्रहरीले जनाएको छ ।
नदीमा हाम्फाल्नुअघि यी पुरुषले पुलमाथि टोपी, गन्जी र २ हजार ३ सय नगद छोडेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
