सेयर बजार परिसूचक नेप्सेमा मंगलबार पनि पहिरो गएको छ । बजारमा सुरुदेखि नै पहिरो जाँदा १०० अंकसम्म घटेको थियो । 

पछि आएर अलिकति बजार सम्हालिएर ७७ अंकको गिरावटसहित २५१० अंकमा बन्द भएको हो । 

मंगलबार २२१ कम्पनीको ३ अर्ब ७८ करोड ३४ रुपैयाँको सेयर कारोबार हुँदा ९५ लाख ७५ हजार कित्ता सेयर किनबेच भएको छ । 

बाणिज्य बैंक समूह ५१.६६ अंकले घटेको छ । जीवन बीमा समूह ४२८ अंकले झरेको छ भने निर्जीवन बिमा ३१४ अंकले तल आएको छ । 

मंगलबार सबैभन्दा बढी नबिल बैंक र एनसीसी बैंकको संस्थापक सेयर कारोबार भएको छ । नबिलको मात्रै ११ करोड १२ लाख रुपैयाँको कारोबार भएको छ ।