नयाँदिल्ली– असमको गुवाहटीमा लाइभ कन्सर्टका लागि पुगेका गायक शानमाथि हमला भएको छ । उनीमाथि स्टेजमै हमला भएको हो ।
प्रस्तुतिका क्रममा शानले बंगाली गीत गाउन सुरु गरेपछि उनीमाथि हमला भएको थियो । उनले बंगाली गीत गाउन सुरु गरेलगत्तै कन्सर्ट हर्न जम्मा भएकाहरूले ठुल्ठूलो आवाजमा चिच्याउँदै यो असम भएकाले बंगाली गीत नगाउन भनेका थिए ।
सामाजिक मिडियामा भाइरल भएको भिडियोमा कन्सर्टमा उपस्थित एकजनाले उनीमाथि ढुंगा र कागजले प्रहार गरेको देखिन्छ । विवाद बढ्दै गएपछि निराश भएर शानले बीचमै कन्सर्ट छाडेका थिए ।
उनीमाथि कुनै भौतिक क्षति भने पुगेको छैन ।
घटनापछि कार्यक्रम आयोजकले शानसँग माफी मागेको छ र कन्सर्टमा हुलदंगा गर्नेविरुद्ध कडा कारबाही गर्ने चेतावनी दिएको छ ।
कन्सर्ट छाडेर गएका शानले केही समयपछि सञ्चारकर्मीसँग भने, ‘एक कलाकारसँग राजनीति गर्नु राम्रो होइन, कलाजस्तो स्वच्छ विषयमा पनि राजनीति हुनु गलत कुरा हो ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
