उपमेयर कप राष्ट्रिय महिला लिग छनोट प्रतियोगितामा बाँसगढी नगरपालिकाले विजयी सुरुवात गरेको छ ।
बाँसगढीले एन्फा कम्प्लेक्स सातदोबाटोमा शुक्रबार भएको पहिलो खेलमा भक्तपुर नगरपालिकामाथि १२-० को फराकिलोे जित दर्ता गरेको हो ।
बाँसगढीको एकतर्फी जितमा अमिशा कार्कीले ७, मनिका धर्तीमगरले २ तथा रेनुका हमाल, दुर्गा कुमारी चौधरी र तुलसी योगीले १-१ गोल गरे ।
अमिशाले २४,२५,२८,५१,५८,७९औं मिनेट र थप गरिएको समयमा गोल गर्दा मनिकाले दोस्रो र २३ औं मिनेटमा गोल गरिन् ।
रेनुकाले ५५औं मिनेटमा पेनाल्टीमार्फत् गोल गर्दा दुर्गाले ८६ र तुलसीले ९०औं मिनेटमा गोल गरे।
छनोट प्रतियोगितामा ३१ टोलीले प्रतिस्पर्धा गरिरहेका छन् । सहभागी टोलीलाई १० समूहमा विभाजन गरिएको छ ।
प्रतियोगिताको फाइनल पुग्ने टोली महिला राष्ट्रिय लिगमा छनोट हुनेछन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
