कोरोना महामारीका कारण लामो समय सुनसान रहेको मण्डला थिएटरले नाटक मञ्चन गर्ने भएको छ । अनामनगरस्थित मण्डला नाटकघरमा ‘जिजीविषा’ नाटक मञ्चन हुने भएको हो ।
स्वास्थ्य सुरक्षाका सम्पूर्ण मापदण्ड पुरा गर्दै यही कार्तिक ८ र ९ गते नाटक मञ्चन हुने रंगकर्मी सोमनाथ खनालले जानकारी दिएका छन् ।
नाटकमा माछाको कथा मञ्चन हुनेछ । नाटकमा माछाले बाँच्नका लागि गर्ने हर संघर्ष प्रस्तुत गर्ने खनालले बताए । खनाल भन्छन्, ‘कोरोनाका कारण मानव जातिले भोगिरहेको यो संकटको समयमा माछाको यात्रामार्फत् मानिसको कथालाई जोड्ने जमर्को गरेका छौं । माछाले बाँच्नका लागि संकटको समयमा गर्ने सामना, यात्रा र उसको जिजीविषालाई नाटमा देखाइनेछ ।’
एक दिनमा जम्मा ८० जनालाई नाटक देखाइने खनालले जानकारी दिए । रंगकर्मी खनालको लेखन रहेको यो नाटक राजन खतिवडाले निर्देशन गर्नेछन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।