अमेरिकाले दिन लागेको एक लाख डोज फाइजर खोप भोलि (सोमबार) नेपाल आइपुग्ने भएको छ। 

अमेरिकाले कोभ्याक्स सुविधामार्फत नेपाललाई एक लाख ६२० डोज फाइजर खोप दिएको छ । उक्त खोप भोलि नेपाल आइपुग्ने नेपालस्थित अमेरिकी दूतावासले जनाएको छ ।

अमेरिकाले उपलब्ध गराएको उक्त खोप कसलाई लगाइने भन्ने विषयमा भने अहिलेसम्म टुंगो लागेको छैन । माइनस ७० डिग्रीमा भण्डारण गर्नु्पर्ने उक्त खोप राख्नको लागि यसअघि युनिसेफले ४ वटा फ्रिजर उपलब्ध गराएको थियो । १०० लिटर क्षमताको चार वटा फ्रिजरमा राखेर सोही आधारमा खोप वितरण गरिनेछ । त्यसका लागि अहिले छलफल भइरहेको स्वास्थ्य सेवा विभागले जनाएको छ।
 
अमेरिकाले यसअघि १५ लाख ३४ हजार ८५० डोज जोनसन एण्ड जोनसन खोप उपलब्ध गराएको थियो । 

नेपालले ६० लाख डोज फाइजर खोप किन्नको लागि सम्झौता गरेको छ । फाइजर कम्पनीसँग खोप खरिदका लागि सम्झौता भइसकेको स्वास्थ्य सेवा विभागले जनाएको छ ।