गायिका एलिना चौहानले तिहार विशेष गीत सार्वजनिक गरेकी छिन् । तिहार नजिकिँदै गर्दा चौहानले ‘मेरो प्यारो भाइ’बोलको गीत सार्वजनिक गरेकी हुन् ।  
 
दिदी भाइको माया दर्शाउने उक्त गीत लेखु सहयात्रीले लेखेका हुन् । गीतमा संगीत पनि लेखुकै छ । गीतमा संगीत संयोजन भने विनश आचार्यले गरेका छन् ।
 
गीतको म्यूजिक भिडियोमा पनि गायिका चौहानले अभिनय गरेकी छिन् । उनको साथमा स्मारिका ढकाल, समारिका ढकाल, प्रतिक सुनुवार र सुगम श्रेष्ठले अभिनय गरेको छन् ।

विक्रम चौहानले निर्देशन गरेको म्यूजिक भिडियो छायांकन प्रकाश खड्काले गरेका हुन् । भिडियो सम्पादन लक्ष्मण चौहानले गरेका छन् ।