नेपाली कांग्रेसका वरिष्ठ नेता रामचन्द्र पौडेलले न्यायलयमा बनेको असहज परिस्थिति चिन्ताजनक भएको बताएका छन् । 

मंगलबार सिंहदरबारस्थित कांग्रेस संसदीय दलको कार्यालयमा सञ्चारकर्मीसँग बोल्दै नेता पौडेलले प्रधानन्यायाधीशका सम्बन्धमा  आफूहरुलाई चिन्ता रहेको बताएका हुन् ।

न्यायलयमा बनेको असहज परस्थिति चिन्ताजनक भए पनि आफूहरुले राजनीतिक हस्तक्षेप गर्न नचाहेको उनले बताए ।

उनले भने, 'प्रधानन्यायाधीशको बारेमा हामीलाई चिन्ता छ । न्यायलयमा जुन किसिमको असहज परिस्थिति बनेको छ, त्यो न्यायलयको आन्तरिक मामिला हो । हामीले राजनीतिक हस्तक्षेप गर्न चाहेको हैन । तर यो चिन्ताजनक हो ।’