न्यायाधीशहरूले इजलास बहिष्कार गरिरहँदा सर्वोच्च अदालतमा आज आठ इजलास तोकिएको छ । जसमध्ये ६ वटा संयुक्त र दुईवटा पूर्ण इजलास छन् । 

प्रधानन्यायाधीश चोलेन्द्र शमशेर जबराले उनीसहितको इजलास तोकेका हुन् ।

आज पनि प्रधानन्यायाधीशबाहेकका न्यायाधीशहरूले इजलासमा पेसी तोकिएका मुद्दाहरूको सुनुवाइ गर्छन् भन्ने निश्चित छैन । उनीहरूले चार दिनदेखि इजलास बहिस्कार गर्दै आएका छन् । 

प्रधानन्यायाधीश जबराले पनि हिजो आफ्नो इजलासमा तोकिएका पाँचवटा मुद्दाको सुनुवाइ गरेका थिए । आज पनि उनले सुनुवाइ गर्ने भएका छन् । उनको इजलासमा ३० वटा मुद्दाको पेसी तोकिएको छ ।

सहकर्मी न्यायाधीशहरूले भने जबरालाई निकास (राजीनामा) दबाब दिँदै आएका छन् । उनीमाथि न्यायालयको गरिमामा क्षति पुग्ने गरी कार्यपालिकासँग भागबण्डा लिएको लगायतका आरोप लागेको छ ।