सत्तारुढ दल नेपाली कांग्रेसको १४औँ महाधिवेशन आगामी मंसिर २४ देखि २६ गतेसम्म काठमाडौंमा हुने भएको छ । कांग्रेसको केन्द्रीय निर्वाचन समितिले बिहीबार कार्यतालिका प्रकाशित गर्दै केन्द्रीय महाधिवेशन मंसिर २४ देखि २६ गतेसम्म काठमाडौंमा हुने जनाएको हो । 

केन्द्रीय निर्वाचन समितिका सदस्य अधिवक्ता गोपालकृष्ण घिमिरेका अनुसार २१ मंसिरबाटै निर्वाचन प्रक्रिया सुरु हुनेछ भने २५ गते निर्वाचन हुनेछ ।

एकदमै थोरै समयमा अन्य निर्वाचनका मिति र कार्यक्रमसमेतलाई ध्यानमा राखेर महाधिवेशनको कार्यतालिका ल्याएको उनले बताए । 

घिमिरेका अनुसार ७ वटै प्रदेशको अधिवेशन मंसिर १६ र १७ गते हुनेछ । त्योभन्दा तल्ला तहको अधिवेशन भने जिल्लाअनुसार तोकिएको छ ।