गत २४ घण्टामा देशभर ५३३ जनामा कोरोना संक्रमण पुष्टि भएको छ । 

स्वास्थ्य तथा जनसंख्या मन्त्रालयका अनुसार ११ हजार ६६४ मा परीक्षण गर्दा सो संख्यामा कोरोना पुष्टि भएको हो ।  

योसँगै नेपालमा सक्रिय संक्रमितको संख्या ९ हजार ३१८ पुगेको छ । त्यस्तै, आज ४९० जना संक्रमणमुक्त भएका छन् ।  

त्यस्तै, गत २४ घण्टामा थप नौजना कोरोना संक्रमितको मृत्यु भएको छ । स्वास्थ्य मन्त्रालयका अनुसार हालसम्म नेपालमा ११ हजार ४१६ जनाको कोरोनाबाट मृत्यु भएको छ ।  

आज काठमाडौं उपत्यकामा २२८ जनामा कोरोना संक्रमण पुष्टि भएको छ ।