कर्णाली प्रदेशका मुख्यमन्त्री महेन्द्रबहादुर शाहीले राजीनामा दिने तयारी गरेका छन् । उनले साँझ ६ बजे प्रदेशबासीका नाममा विशेष सम्बोधन गर्दै उनले राजीनामा दिने तयारी गरेका हुन् । 

सम्बोधनका क्रममा राजीनामा दिने तयारी भएको मुख्यमन्त्री शाहीको सचिवालयले जानकारी दिएको छ । यसअघि आज ५ बजे मन्त्रिपरिषद् बैठक बसेको थियो । मन्त्री परिषद्ले गरेका निर्णय भने सार्वजनिक गरिएको छैन । 

गएको वैशाख ३ गते मुख्यमन्त्री शाहीले विश्वासको मत लिँदा माओवादी र कांग्रेसले सरकार आलोपालो चलाउने सहमति गरेका थिए । त्यहीअनुसार मुख्यमन्त्री शाहीले राजीनामा दिन लागेको बताइएको छ । 

अब कांग्रेसका जीवनबहादुर शाही मुख्यमन्त्री बन्ने करिब पक्का भएको छ ।