कर्णाली प्रदेशको मुख्यमन्त्रीबाट पदमुक्त भएपछि महेन्द्रबहादुर शाहीले सरकारी क्वाटर छाडेर डेरामा सरेका छन् । मंगलबार पदमुक्त भएका शाहीले वीरेन्द्रनगर नगरपालिकाको गुरुङ चोकमा रहेको सरकारी क्वाटर छाडेका हुन् ।
मंगलबार राती नै सरकारी क्वाटर छाडेका मुख्यमन्त्री शाहीले त्यो रात कर्णाली खेलकुद परिषद्का सदस्य सचिव विश्वमित्र संञ्यालको क्वाटरमा बसेका थिए ।
मुख्यमन्त्रीको पद छाडेपछि मंगलबार राती आफ्नो कोठामा बसेको खेलकुद परिषद्का सदस्य सचिव विश्वमित्र संञ्यालले बताए । ‘हामीसँगै सामान्य खाना खाएर बस्नुभयो,’ उनले भने, ‘अहिले उहाँ नजिकै एउटा दुई कोठे घरमा सर्नुभएको छ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
