ब्लु ओरिजिनसँगको सहकार्यमा अन्तरिक्षमा दुई मानव उडान उडाएर विश्व रेकर्ड तोडेपछि अमेजनले आफ्नो पहिलो उपग्रह प्रक्षेपणको तयारी गरेको छ। विश्वभर छिटो र किफायती इन्टरनेट कभरेज प्रदान गर्न अमेजनले एउटा नक्षत्रको अंशका रुपमा उपग्रह पठाउने तयारी गरेको हो।
प्रोजेक्ट कुइपरले सन् २०२२ को अन्त्यसम्ममा दुईवटा स्याटेलाइट प्रक्षेपण गर्ने भएको छ। कुइपरस्याट–१ र २ डब गरिएका दुई उपग्रहहरूलाई अन्तिम उपग्रह डिजाइनमा प्रयोग गरिने सञ्चार नेटवर्किङ प्रविधिको परीक्षण गर्न तल्लो-पृथ्वी कक्षमा प्रक्षेपण गरिनेछ। प्रक्षेपणले अमेजनलाई पूर्ण तारामण्डल ‘डिप्लोइ’ गर्दा आवश्यक पर्ने अपरेसन र मिसन व्यवस्थापन प्रक्रियालाई मान्यता दिलाउन मद्दत गर्छ।
प्रोजेक्ट कुइपरअन्तर्गत टेक्नोलोजी विभागका उपाध्यक्ष राजीव बाद्यालले भने, ‘हामीले कुइपर परियोजनाको लागत र कार्यसम्पादन लक्ष्य पूरा गर्न धेरै नयाँ प्रविधि आविष्कार गरेका छौं। सबै प्रणाली सिमुलेटेड र ल्याब सेटिङमा राम्रोसँग तयारी गरेपछि छिट्टै तयारी अवस्थामा रहनेछौं। सबै जना तिनीहरुलाई अन्तरिक्षमा कसरी प्रदर्शन गरिन्छ भनी हेर्न आतुर छन्।’
दुई उपग्रह प्रविधि र उपप्रणालीद्वारा सुसज्जित हुनेछन्, जसले चरणबद्ध एरे र प्याराबोलिक एन्टेना, पावर तथा प्रोपल्सन प्रणाली र अनुकूलन डिजाइन मोडेमसहित उपग्रह डिजाइनको उत्पादन संस्करणलाई शक्ति दिन्छ।
कम लागतको ग्राहक टर्मिनलको प्रोटोटाइप प्रयोग गरेर प्रयोगात्मक परीक्षण सञ्चालन गरिने र त्यसले चलिआएको एन्टेनाभन्दा बढी किफायती मूल्यमा छिटो र भरपर्दो सेवा प्रदान गर्ने गरी डिजाइन तयार पारिएको अमेजनले जनाएको छ।
दुवै स्याटेलाइटलाई फ्लोरिडाको केप क्यानाभेरल स्पेस फोर्स स्टेसनबाट नयाँ आरएस १ रकेट प्रयोग गरेर स्पेस सिस्टम प्रक्षेपण गरिनेछ।
-एजेन्सीकाे सहयाेगमा न्युज कारखाना
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
