सुर्खेतको वीरेन्द्रनगर नगरपालिका–१३ मा आज बिहान जिप दुर्घटना हुँदा चालकको मृत्यु भएको छ । मृत्यु हुनेमा दाङको घोराही उपमहानगरपालिका १३ बस्ने २९ वर्षीय राजु वि.क रहेका छन् । 

दुर्घटनामा गम्भीर घाइते भएका उनको उपचारको क्रममा कर्णाली प्रदेश अस्पतालमा मृत्यु भएको प्रहरीले जनाएको छ । 

दाङबाट सुर्खेततर्फ जाँदै गरेको रा १ च १३१० नम्बरको जिप आज बिहान सवा ५ बजे दुर्घटना भएको हो । जिपमा चालक र परिचालक मात्रै रहेको प्रहरीले जनाएको छ । सामान्य घाइते भएका परिचालक उपचार पश्चात डिस्चार्ज भइसकेका छन् ।