छिमेकी मुलुक भारतको महाराष्ट्र प्रदेशको अहमदनगर जिल्लास्थित एक सिभिल अस्पतालमा आगलागी हुँदा १० जना काेराेना संक्रमितकाे मृत्यु भएकाे छ ।
यसैगरी ७ जना घाइते भएका छन् । जसमध्ये दुई जनाकाे अवस्था गम्भीर रहेकाे छ ।
अस्पतालकाे भुइँ तलामा रहेकाे आइसियुमा आगलागी भएकाे थियाे । उक्त आइसियुमा १७ जना बिरामी भर्ना भएका थिए ।
विद्युत् सर्ट भएर आगलागी भएकाे हुनसक्ने अस्पतालले जनाएकाे छ ।
आगलागी भएकाे खबर पाउँदा बित्तिकै दमकल समयमै आई आगाे नियन्त्रणमा लिएकाे थियाे ।
महाराष्ट्रका पूर्व मुख्यमन्त्री तथा भारतीय जनता पार्टीका नेता देवेन्द्र फडणवीसले घटनाकाे गहिराे तरिकाले अध्ययन गर्नुपर्ने र दाेषीलाई कडा कारबाही गर्न माग गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।