नुवाकोटको ककनी-१ ठूलो खोला पाँचमानेमा एक मजदुरको आगलागीमा परी मृत्यु भएको छ ।

अन्दाजी ६० वर्षीय बाबुराम तिमिल्सिनाको सुतेको बेला गोठमा आज बिहान आगलागी भएपछि जलेर मृत्यु भएको हो । 

उनी कहाँका हुन् भन्ने कुरा खुलेको छैन । जिल्ला प्रहरी कार्यालय नुवाकोटले जनाएअनुसार तिमिल्सिना सुतेको गोठ पहलमान तामाङको हो । 

गोठ जल्दा करिब ३ लाख ९५ हजार रूपैयाँ बराबरको धनमाल जलेको प्रहरीले जनाएको छ ।