कोरोना भाइरसको सन्त्रास सारा संसारभर व्याप्त छ । सन् २०१९ को डिसेम्बरमा चीनको वुहानबाट फैलिएको भाइरसका अनेकन भेरियन्ट देखा परेका छन् । भाइरसले रोकिने नाम लिएको छैन ।

जोन्स होप्किन्स युनिभर्सिटीका अनुसार हालसम्म विश्वभर ५१ लाख १०२ जना संक्रमितले ज्यान गुमाइसकेका छन् भने २५ करोड ३२ लाख ८२ हजार ९९९ जनामा संक्रमण पुष्टि भइसकेको छ ।

भाइरसबाट सबैभन्दा धेरै प्रभावित मुलुक हो- अमेरिका । अमेरिकामा हालसम्म ७ लाख ६३ हजार ६४ जना संक्रमितले ज्यान गुमाइसकेका छन् ।

अमेरिकापछि ब्राजिलमा ज्यान गुमाउनेको संख्या धेरै छ । ब्राजिलमा हालसम्म ६ लाख ११ हजार २८३ जनाले ज्यान गुमाइसकेका छन् ।

छिमेकी मुलुक भारत संक्रमितका हिसाबले विश्वको दोस्रो र मृत्युका हिसाबले तेस्रो स्थानमा छ । भारतमा हालसम्म ४ लाख ६३ हजार ५३० जना संक्रमितले ज्यान गुमाइसकेका छन् ।

यसैगरी मेक्सिकोमा २ लाख ९१ हजार ८९, पेरुमा २ लाख ६०५, रुसमा २ लाख ५० हजार ६०९, बेलायतमा १ लाख ४३ हजार ३३७, इटालीमा १ लाख ३२ हजार ७७५ र  कोलोम्बियामा १ लाख २७ हजार ८०९ जना संक्रमितले ज्यान गुमाइसकेका छन् ।