विशेषज्ञहरुले गरेको एक नयाँ अध्ययनअनुसार भ्याक्सिनका दुवै डोज लगाए पनि कोरोनाभाइरस संक्रमण मानिसहरुमा व्यापक फैलिइरहेको छ । यो बेलायतमा गरिएको अध्ययन हो ।

बेलायतका सयौँ घरमा अध्ययन गरेर वैज्ञानिकले यो निष्कर्ष निकालेका हुन् । उनीहरुले दुवै डोज भ्याक्सिन लगाएकाहरु त्यही कारणले जथाभावी हिँड्न नहुने सुझाव पनि दिएका छन् ।

भ्याक्सिन लगाएका मानिसहरुबाट पनि नलगाएका मानिसहरुको जति नै कोरोनाभाइरस संक्रमण फैलिएको विशेषज्ञहरुले बताएका छन् ।

भ्याक्सिन लगाएका मानिसहरुमा कुनै लक्षण नदेखिए पनि उनीहरुले कोरोनाभाइरसलाई एक ठाउँबाट अर्को ठाउँमा वा एक मानिसबाट अर्को मानिसमा सारिरहेको यो अध्ययनको निष्कर्ष हो ।

भ्याक्सिन लगाएका मानिसले घरमा भ्याक्सिन नलगाएकालाई कोरोनाभाइरस संक्रमण सार्ने सम्भावना कम्तिमा ३८ प्रतिशत भएको र घरमा सबैले दुवै डोज भ्याक्सिन लगाएको भए कम्तिमा पनि २५ प्रतिशत सम्भावना फेरि संक्रमण हुने विशेषज्ञहरुले बताएका छन् ।