कर्णाली प्रदेशको भूमि, व्यवस्था, कृषि तथा सहकारीमन्त्रीमा चन्द्रबहादुर शाही नियुक्त भएका छन् । नेकपा (एकीकृत समाजवादी) संसदीय दलका नेता शाहीलाई मुख्यमन्त्री जीवनबहादुर शाहीले सुरुमा आन्तरिक मामिला तथा कानुनमन्त्रीमा सिफारिस गरेका थिए ।

शाहीले कृषिमन्त्रीमा इच्छा देखाएपछि मुख्यमन्त्रीले उनलाई सोही मन्त्रालयको जिम्मेवारी दिएका हुन् । उनलाई प्रदेश प्रमुख तिलक परियारले पद तथा गोपनीयताको शपथ गराएका छन् । 

शाही नेपालको संविधानको धारा २६८ को उपधारा ९ बमोजिम मन्त्री नियुक्त भएका हुन्। मन्त्रालयको भागबन्डा नमिलेपछि तोकिएको समयभन्दा डेढ घण्टा ढिलो गरी पद तथा गोपनीयताको शपथ गराइएको हो ।