शान्तिपूर्ण आन्दोलनमा प्रहरी दमन भएको भन्दै नेपाल बार एसोसिएसनले आकस्मिक बैठक बोलाएको छ ।
महासचिव लीलामणि पौडेलका अनुसार बैठकमा बार पदाधिकारी, सल्लाहकार र उपत्यकामा रहेका बार इकाइका प्रतिनिधिहरू सहभागी हुने छन् ।
बैठक केही बेरपछि एसोसिएसनको कार्यालयमा हुने बताए । आज बिहान सर्वोच्च परिसरमा कानुन व्यवसायीहरूमाथि प्रहरीको दमन भएको थियो । सो क्रममा बार अध्यक्ष चण्डेश्वर श्रेष्ठसहित १२ जना घाइते भएका छन् ।
उनीहरूको उपचार अन्नपूर्ण अस्पतालमा भइरहेको छ । प्रहरी दमनपछि वरिष्ठ अधिवक्ता हरिहर दाहालले गृह प्रशासन र सर्वोच्च अदालत प्रशासनबाट शान्तिपूर्ण आन्दोलनमा दमन भएको भन्दै बार अझ सशक्त आन्दोलनमा जाने चेतावनी दिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।