नेकपा एमाले उपाध्यक्ष डा. भीम रावलले अध्यक्ष केपी शर्मा ओलीलाई १० औं महाधिवेशनमा उम्मेदवारी नदिन आग्रह गरेका छन् । अध्यक्ष पदको उम्मेदवारी घोषणा गर्दै रावलले ओलीलाई १० औं महाधिवेशनपछि नेतृत्व हस्तान्तरण गरेर अभिभावकीय जिम्मेवारी बहन गर्न आग्रह गरेका हुन् ।
अध्यक्ष ओलीले ७० वर्षको उमेरसम्म आइपुग्दा पार्टीको अध्यक्ष र देशको प्रधानमन्त्री समेत भई महत्त्वपूर्ण जिम्मेवारी बहन गरिसकेको भन्दै उनले भने, 'उहाँले देश र जनताको लागि गर्नसक्ने काम आफ्नो सम्पूर्ण क्षमता, योग्यता, सक्रियता र लगनका साथ गर्दै देश र जनता सबैले देखिसकेका छन् । उहाँ स्वयंले केही समय पहिले पार्टीको नेतृत्व हस्तान्तरण गर्ने र पुनः अध्यक्ष पदमा प्रतिस्पर्धा नगर्ने घोषणा पनि गर्नुभएको हो ।'
ओलीले गरेका कार्य र घोषणाको सम्म्मानको लागि पनि उमेर र अनुभव लगायत सबै दृष्टिबाट परिपक्क्क भइसकेकाले आफूले केन्द्रीय कमिटीको अध्यक्ष पदका लागि अग्रसर हुनु उचित सम्झेको बताए ।
आफूले अध्यष पदको जिम्मेवारी पाए अध्यक्ष ओलीको महत्त्वपूर्ण अनुभव, ज्ञान र दक्षतालाई पार्टीको विकास, विस्तार र सफलताका लागि सदुपयोग गरिने उनको भनाइ छ ।
आफ्नो उम्मेदवारीलाई सहजरूपमा लिएर पार्टीलाई नयाँ गतिका साथ अघि बढाउन आफूप्रति सद्घाव प्रदर्शन गर्नसमेत ओलीलाई आग्रह गरे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
