नेपालमा पछिल्लो २४ घण्टाको अवधिमा २३८ जना कोरोना भाइरसको संक्रमण पुष्टि भएको छ । 

स्वास्थ्य तथा जनसंख्या मन्त्रालयका अनुसार ७ हजार ८४५ पीसीआर परीक्षणमा २३२ जनामा र १ हजार २७८ जनाको एन्टिजेन विधिबाट परीक्षण गर्दा ६ जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको संख्या ८ लाख १९ हजार १९ पुगेको छ ।

त्यस्तै सोही अवधिमा ३७० जना निको भएका छन् । योसँग कोरोना संक्रमणमुक्त हुनेको संख्या ८ लाख ३५९ पुगेको मन्त्रालयको तथ्यांक छ ।

यस्तै आज २४ घण्टामा एक जनाको मृत्यु भएको छ भने हालसम्म कोरोनाबाट मृत्यु हुनेको संख्या ११ हजार ४९६ पुगेको छ । आज देशभर ७ हजार १६४ जना सक्रिय संक्रमित रहेका छन् ।