नेपाली कथानक चलचित्र ‘प्रेम गीत ३’ले प्रदर्शन मिति तय गरेको छ । यो चलचित्र फागुन १३ गते अल नेपाल रिलिज हुने भएको छ ।

छेतेन गुरुङ र सन्तोष सेनले सयुक्त रूपमा निर्देशन गरेको ‘प्रेम गीत ३’मा प्रदीप खड्का र क्रिष्टिना गुरुङले शीर्ष भूमिकामा रहेर अभिनय गरेका छन् । यो जोडीका साथमा सुनील थापा, शिव श्रेष्ठ लगायतका पुराना कलाकार पनि देखिने छन् ।

चलचित्र नेपाल र भारतमा एकसाथ प्रदर्शन गर्ने निर्मातासमेत रहेका निर्देशक सन्तोष सेनको तयारी छ । नेपालका लागि प्रदर्शन मिति लिएका सेनले भारतका वितरकसँग छलफल भैरहेको जानकारी दिए।

यो चलचित्र हिन्दी भाषामा पनि डबिङ गरिएको छ । भारतीय बजारलाई मध्यनजर गर्दै हिन्दी भाषामा डबिङ गरिएको निर्माता सेनले बताए । यस चलचित्रका अघिल्ला दुई सिरिजले नेपाली बक्स अफिसमा उत्साहजनक व्यापार गरेका थिए ।