नेकपा एमालेको सौराहामा सुरु हुने भनिएको बन्दसत्र तत्काल सुरु हुन सकिरहेको छैन । नेताहरु छलफलमा व्यस्त भए पछि बन्दसत्र सुरु हुन नसकेको हो । 

बन्दसत्र स्थलमा भएका हाम्रा समाचारदाता अमृत चिमरिया र रुपक चौलागाईंका अनुसार बन्दसत्र सुरु हुन अझै कम्तिमा पनि एक घन्टाभन्दा बढी लाग्नेछ । 

नेकपाका नेताहरु छलफलमा व्यस्त भएकाले र हिजो बसेको नवौं महाधिवेशनको केन्द्रीय कमिटीको अन्तिम बैठकले थप सदस्य संख्याको विभाजन (समावेशी, भुगोल) नमिल्दा बन्द सत्र सुरु हुन ढिला भएको हो । 

बन्द सत्र सुरु हुने निश्चित नभए पनि नेताहरु बन्दसत्र विभिन्न ठाउँमा पुगेका छन् ।