नेपाली कांग्रेस संसदीय दलका नेता राजीव काेइरालाले पार्टीहरूको अधिवेशनपछि प्रदेश १ सरकारको मन्त्रिपरिषद् बिस्तार हुने बताएका छन्  ।

पार्टीहरूको अधिवेशन चलिरहेकाले सरकारले पूर्णता पाउन नसकेको जानकारी दिए ।

उनले भने, ‘महाधिवेशन चलिरहेकाले अहिले मन्त्रिपरिषदको बिस्तार हुन सकेको छैन । यो महिना भित्रमा सरकार बिस्तार हुन्छ । ’

सत्ता साझेदार दलमध्ये कांग्रेस र माओवादी केन्द्रको अधिवेशन चलिरहेको छ । 

संसदीय दलका नेता कोइरालाले प्रदेश १ को मन्त्रिपरिषदको आकार ठूलो हुने संकेत गरे । यो महिना भित्रमा प्रदेश १ सरकार विस्तार हुन्छ । 

‘संविधानले दिएको अधिकार अनुसार हामी मन्त्रिपरिषदको बिस्तार गर्छाैं’, उनले भने।  

‘अरूले आकार सानो बनायो भने हामीले पनि सानै बनाउनु पर्छ भन्ने छैन । संसदीय दलकाे ठूलो दलकाे हिसाबले हामी धेरै मन्त्री माग्छौं’, काेइरालाले थपे ।