महाधिवेशनबाट सर्वसम्मतिमा नेतृत्व चयन गर्ने तयारी गरिए पनि आकांक्षी धेरै भएपछि अध्यक्ष केपी शर्मा ओलीलाई सकस भएको छ ।
बन्दसत्रको हलले पदाधिकारीसहित केन्द्रीय कमिटीको नामावली प्रस्ताव गर्न अध्यक्ष ओलीलाई दिएको छ । ओलीले नेताहरूलाई व्यवस्थापन गरेर सर्वसम्मतिबाट नेतृत्व चयन गर्ने प्रयास गरेका छन् । यद्यपि निर्वाचनको सम्भावना पनि बढेको छ ।
यसैबीच नेकपा एमाले सचिव योगेश भट्टराईले आज साँझसम्म सुखद समाचार आउने बताएका छन् ।
'नेपालको राजनीतिमा जुन सुकै घटना साँझमै भएको छ,' सचिव भट्टराईले भने, 'एमाले महाधिवेशन नेतृत्व चयनबारे पनि आज साँझ सुखद समाचार आउँछ ।'
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
